《娛樂onShow》主持俞詠文（Angela）今集請來開心果鄭欣宜大談工作點滴，並自爆淚灑內地節目《我不是明星》，全因節目經常播放媽咪肥姐（沈殿霞）生前片段，不禁勾起她對媽咪的思念！

獨立的欣宜雖然對肥姐百般思念，但亦努力工作自給自足。

欣宜自爆於節目《我》看到肥姐生前片段都會爆喊，難受得很！

Jade（左）相當照顧欣宜，就如家人一般的親切。

大情大性的欣宜講起肥姐不禁落淚，不消一會已與主持Angela（右）興奮喪笑！

歌手鄭欣宜（Joyce）獲《娛樂onShow》主持俞詠文（Angela）邀請，於節目大談近期的生活點滴。Joyce於首集找來好友關心妍（Jade）任嘉賓，兩人數年前在另一間唱片公司認識，並視對方為家人：「Jade過時過節都會預埋我，覺得好溫暖！平時佢見我上完節目都會Send番畀我，我覺得好開心，因為有人同我分享，覺得佢已經係家人嘅一部分。」

討厭講「明星父母」

Joyce早前參加內地節目《我不是明星》，由於節目經常播放Joyce亡母肥姐的生前片段，主持Angela問到會否不開心？Joyce說：「總結嚟講係開心，但每集都有唔開心嘅嘢發生。每次開場都會做一件我唔想做嘅嘢，就係要講我明星父母係邊個，我覺得好討厭，好唔舒服，因為由細到大媽咪都唔係好鍾意我咁講。」

此外，Joyce自爆每次見到肥姐的生前片段都忍不住落淚：「幾乎每集都會播我媽媽嘅片段出嚟，雖然好掛住媽咪，但每一次都會忍唔住喊。我好討厭喊，因為我係喊得好難睇！」想知道Joyce更多近況與難忘事？想知道Joyce的感情生活？快啲上《東網》睇《娛樂onShow》啦！