洪永城（Tony）、陳凱琳（Grace）和金剛早前拍攝無綫新劇《張保仔》，在劇中Tony要向媽咪級演員李麗麗（Lily）淋水，問是否覺得好爽？他說：「梗係唔爽啦，淋Lily姐喎，淋前輩就梗係唔想啦！（怕佢嬲？）咁又唔會，大家都係專業嘅。」變成二撇雞的Tony透露留鬚兩星期：「希望出嚟唔好畀觀眾話猥瑣，最好話夠Man！」緋聞女友唐詩詠最近到上海拍攝《梟雄》，問他有否隔空傳情？平日口花花的他即變得含蓄：「佢又忙拍嘢，我又忙拍嘢，所以冇乜時間聯絡，希望Keep住Relationship（關係）。」

洪永城在劇中向媽咪級演員李麗麗淋水，認真沙膽。

洪永城與陳凱琳早前一齊拍攝無綫新劇《張保仔》。

首拍古裝劇的Grace坦言要適應古代對白：「冇現代人嘅『啦啦囉囉』嗰啲尾音。（你現代人喎！）所以有着數，不時都講『Oh My Gosh』，好開心嗰時又可以『Yeah』。」

至於同劇的金剛則笑言劇中靚女不夠多：「都諗過呢個問題，傳說中海盜唔係好多美女埋身咩？但我哋就全部仔，一係就前輩。（所以蕊蕊放心？）佢不嬲都OK嘅，就算有又點？做嘢嘛！」