連詩雅外表嬌滴滴，惟內裏是個活脫脫的小男孩，與公主夢相比，她更羨慕超人的無所不能，她童年時已領略與其當被動公主，不如成為戰鬥力強的超人！

童年「自閉」的Shiga只懂玩玩具，卻從中領悟到「寧做強勢超人，莫做被動公主」的生存之道！

連詩雅

外柔內剛的Shiga原來極之堅強主動，果然人不可以貌相！

歌手連詩雅（Shiga）早前應邀出席日本機械人Robi的香港發布會，她受訪時說：「同Robi接觸比我想像中得意，同埋佢真係好人性化！佢講嘢嘅聲線真係好似一個人咁，佢好聰明、好靈活，所以見到呢樣嘢係幾Amazing！」

Shiga自爆兒時十分男仔頭，不愛娃娃愛超人：「細個都玩好多玩具，除咗一般女仔鍾意嘅Barbie公仔外，有段時間都鍾意玩模型，例如砌高達同砌四驅車，所以我唔係典型鍾意公主Style嘅細路女，我會鍾意超人公仔。就算依家大個咗都好鍾意砌模型，除咗一啲玩具模型外，我仲鍾意砌電子產品，所以今次可以做到呢個機械人發布會覺得好開心，好似夢想成真一樣！」

獨生女冇玩伴

身為獨生女的Shiga因父母經常外出工作，故自小已渴望親人陪伴，但她漸漸明白到這看似理所當然的小事，對她而言卻是遙不可及的遺憾：「由於我係獨女，細個時除咗返學見到同學仔外，其他大部分時間都喺屋企獨處，爸爸媽媽又經常外出做生意，於是屋企得工人同我，佢又忙住做家務，我大部分時間都係自己一個同啲玩具玩。」退而求其次！Shiga當時便萌起擁有一個機械人的夢想：「當你同啲玩具講嘢時，佢哋唔識答你，所以細個時特別希望有機械人玩具，希望同佢講嘢時佢可以畀反應我，或者同我互動！」