藝人車車（張紫櫻）早前到內地參加求偶節目，同一時間獲幾位「有心人」欲與她「交朋友」，她說：「可能我單身咗好耐冇拖拍，已經係眾所周知，竟然連內地節目《非常完美》製作人都主動打畀我，問我有冇興趣北上參加交友節目。我抱住識新朋友嘅心態咪去試吓，仲預備咗自製蝴蝶酥做見面禮物送畀現場男士，點知最終都係冇男士肯同我『牽手』！反而有好幾個女參加者話好鍾意我嘅性格，佢哋好熱情，冇男人鍾意唔緊要啦，冇愛情，我都有友情，都算係意外收穫！」

車車（左）早前到內地參加求偶節目，可惜沒有男士和她牽手。

車車早前在萬聖節扮鬼，不過連阿媽都嚇不倒。

車車愛情雖然暫時交白卷，但友情則考滿分，早前萬聖節更與友人「嘩鬼出籠」癲番晚：「我咁大個女都未試過扮嘢慶祝萬聖節，朋友話『人總歸總要黐一次！』於是我咪上網睇啲鬼樣點化，又買埋中式衫、假髮、假疤痕，化咗成個鐘頭妝，有咁詭異得咁詭異，務求一係唔整，一整就要阿媽都唔認得！（伯母有咩評語？）佢話我『可愛』，激死我！」