前港男陳志健（Otto）日前在太太羅苡之貼心安排下迎接33歲生日，已與太太共度五年生日的他，笑言每次都獲對方製造浪漫：「第一年過就最難忘，結婚當年就最特別！佢每次都幫我準備好多嘢，30歲嗰年佢約咗好多朋友仔喺西貢包場，去到我先發現，真係好驚喜，佢仲親手造咗個銀包送畀我。（今年送咩？）佢送咗好多個Bday畀我，有食蠔啦、又有食Brunch，佢知道我鍾意食牛扒，特別去訂咗間好靚嘅扒房同我慶祝。」

陳志健（中）與太太大歎生蠔等美食，慶祝33歲生日。

陳志健獲太太羅苡之送上生日蛋糕，甜在心頭。

問到生日願望，Otto說：「都係希望同老婆開開心心，喺演藝上有多啲進步嘅機會，正忙於拍攝新劇《張保仔》的他指今次有不少新嘗試，是一個表現自己的機會。