名模周汶錡（Kathy）昨晚以得獎者身份出席十大「時裝．視野」頒獎典禮，另外九位得獎嘉賓包括麥浚龍、林珉、邱子傑、邢嘉倩、楊采妮、陳漫、甄子丹、王陽明及李心潔，Kathy以超性感打扮上陣，右邊更恍如冇着衫，惹人遐想，她說：「有一面係密實嘅。（有冇着內褲？）當然有啦，打底好易啫。（老公有冇話你？）佢淨係喺我出門口時問咗句。」而同是首次獲獎的甄子丹則表示榮幸：「代表啲人認為我唔止打得仲睇得。」想跟攝影師陳漫合作的林峯被問到會否請對方影婚照？他說：「未諗咁遠，唔需要太耐。（準備結婚？）唔係，係距離合作唔太耐！」

Kathy右邊裙身開窿，好Sexy呀！

子丹（圖）和林峯盛裝到場。

林峯