羅力威、謝安琪（Kay）與薛凱琪（Fiona）等歌手前晚出席頒獎禮記者會，曾於台灣居住的Fiona被問有否留意有「星二代」在當地遭迷姦？她說：「有睇報道，媽咪每日都提我，走開過返轉頭就唔好再飲杯嘢，所以我全程都會攞住杯嘢，連去廁所都會拎住，或交畀好熟嘅朋友睇住。」

Kay（右起）、Fiona與羅力威出席頒獎禮記者會，盡力做好本分。

Fiona夜蒲時會小心看管飲品，以免有心人乘虛而入。

而Kay則表示跟往年一樣以平常心參與頒獎禮：「有獎係錦上添花。」而今次獲安排站中間位的羅力威說：「我一向都唔要求呢啲嘢，自己好情緒化，就係因為有呢個性格先做到好有Feel嘅歌，以後講少啲嘢。」