黃心穎冇本事做「姣花」

黃心穎、李佳芯（Ali）及梁嘉琪等昨日出席節目《學是學非》記者會，早前被拍得與異性約會而被指是「姣花」的心穎澄清，當時只是中學同學聚會，對方是相識十數年的同學，兩年沒見，因此格外好傾：「呢日係光棍節，唔介意單身。（溝仔王？）冇咁嘅本事同時間。（有冇人追？）耐唔耐啦！女仔點都有啲桃花。（冧掂高層所以多嘢做？）好少上九、十樓，最多係去七、八樓搵我經理人。」談到早前被指是吳啟華小三，她表示對方有為事件向她道歉。