張曦雯前晚為無綫台慶演出綵排，她以一襲透視舞衣亮相，成功脫穎而出搶風頭！同場的朱晨麗表示未知當晚的舞衣是否性感，笑言要加緊操腹肌和馬甲線，務求在當晚展示美態！

張曦雯高舉雙手練舞，Tube Top即時透現人前，性感！

朱晨麗有芭蕾舞底子，跳躍動作冇難度！

一眾啦啦隊小花落力綵排。

岑杏賢練習空翻動作，認真唔簡單！

藝員張曦雯、朱晨麗、鄧佩儀、莊思明、岑杏賢、劉佩玥及樂瞳等，前晚齊集將軍澳電視城為無綫台慶進行啦啦隊舞蹈綵排，當中以張曦雯的舞衣最搶眼，透視裝內透Tube Top，十分誘人！

朱晨麗恐失手傷頭

張曦雯透露在美國求學時曾當啦啦隊：「以前做下面支撐嘅隊員，今次第一次要被拋起打空翻，雖然有難度，但都唔係太驚。」又笑言一向喜歡刺激感，只擔心不懂得量力而為。她又指上星期綵排後，至今背脊肌肉仍感痛楚。問到演出當晚舞衣會否特別性感，她說：「會着啦啦隊衫露臍，好彩係着平底鞋，唔使着高踭鞋跳舞。」為以最佳狀態示人，她於演出前會盡量減食：「因為個個女仔都操得好Fit。」

同場有芭蕾舞底子的朱晨麗跳得最出色，她指今次啦啦隊演出會有大量翻騰動作，頭兩次綵排都未做到預期效果，連監製都擔心她未能達標而要另覓人選，她說：「我覺得台慶一年一度，無論點樣都要堅持跳下去！」又指翻騰動作有一定危險性，要講求與舞蹈員的默契，萬一失手隨時有機會頭部落地：「之前練習過後，肩膊關節位也感痠痛。」她自言若當晚舞衣太性感，便要加緊Keep Fit，操練腹肌和馬甲線。