前歌手趙頌茹（阿Yu）為獨力湊大兩個女可謂已經豁出去，曾合作的美容院加碼6位數添食，阿Yu首度以性感泳裝上陣拍硬照，雖然並非火辣的三點式，但絕對是一大突破！身形瘦削的她更在拍攝前刻意增肥：「之前瘦到腳筋都現形！我覺得有肉會靚啲，不過今次真係冇加缽仔糕同胸墊，我有幾多料大家都知，所以都係自然啲好！」她更揚言若然對身材有信心，不介意三點式上陣：「我自己做形象指導，若果形象健康都接受到，大家都唔會對我有咩幻想o架啦！」

為供養女兒搏到盡的阿Yu以泳裝拍硬照，更預告增肥後不介意以三點式示人。