謝婷婷昨日出席手袋活動時右手有明顯傷痕，她透露四日前被朋友養的大狗咬傷，已即時睇醫生打破傷風針。問到男友戴尚安（Sean）是否很心痛？她表示男友很擔心：「佢話我哋去非洲，同咁多獅子、象、獵豹一齊都冇事，反而畀狗咬親！爸爸就問我有冇染到瘋狗症！」此外，她自爆經常收到Sean送贈的小禮物，當中收得最頻密的是花，而最特別的禮物則是男友親自拍攝的星空相片，現放在家中作裝飾。問到聖誕會否與Sean舉家旅行？她指要看時間能否配合，並直認與男友家人相熟：「上年聖誕我哋有交換禮物，我準備咗有佢哋各人個名嘅聖誕襪畀佢全家人！」

婷婷的玉手畀狗咬到留疤，實心痛死男友Sean囉！

站在高挑的模特兒中間，婷婷頓時變做小矮人。