「視帝」黎耀祥（祥仔）及蓋鳴暉（Joyce）等主演的舞台劇《星海留痕》，前晚在新光大劇院首演。祥仔於訪問中自爆會開金口唱歌，更與首度合作的Joyce擦出火花，Joyce即稱讚對方：「我未試過排咁耐，我同關寶慧排咗一個月！祥仔好乖，出外景都背熟劇本。」問到祥仔會否擔心首演「食螺絲」，他即信心爆棚地表示演出前獲太太煲西洋菜湯「潤喉」。有份參演的關寶慧則透露有歌星朋友捧場而感壓力：「李蕙敏、黎瑞恩、湯寶如都話嚟，但我唔知佢哋嚟邊場，佢哋秘密撐場就冇咁大壓力。」

祥仔和Joyce整裝待發，為首場演出做好準備。

台前幕後齊齊齊切燒豬，望舞台劇演出順利！

同場的出品及製作人李居明大讚祥仔歌喉，又指該劇會成為長做長有的「戲寶」。問到是否重金邀「視帝」祥仔演出？他自爆獲打折頭：「今次係最重手嘅投資，我簽支票簽到驚！」而阮兆祥及謝君豪等，亦送上花牌祝賀演出成功。