歌手張繼聰前晚錄影無綫節目《超級巨聲4》，談到新劇《老表，你好hea！》反應佳，他說：「唔只我嘅演繹，今次《老表》有好多突破！（劇中不少揶揄無綫自己劇集穿崩的情節？）我覺得有胸襟喎，網民都覺得我哋夠膽咁做幾好笑！（唔怕得罪人？）出得就肯定溝通過，唔會得罪。我父母都睇到好開心，外母就心痛我被韓馬利摑，煲湯畀我補番。我個仔就唔係好睇得明，佢都唔明咩係猜枚！但我老婆（謝安琪）就同佢講：『你想做到（震波猜枚）就食多啲飯！』我個仔平時食好少飯，估唔到咁又鼓勵到佢食多啲喎！（同韓馬利母子戀唔重口味？）之前都覺呢個位好難拿捏，但大家睇得開心，證明我哋成功咗！」

張繼聰讚無綫在劇中自我揶揄是有胸襟的表現。