小生黃宗澤被指搭上新歡，昨日有讀者爆料指他與合作內地劇集《愛讓我們在一起》的女星張熙媛撻着，正在內地拍攝該劇的黃宗澤受訪時不以為然：「啱啱影咋喎！（係咪拍拖？）唔係，對方好似有男朋友，但我唔清楚，我係嚟搵食唔係搵女朋友！（又同佢慶生？）咁啱佢生日，劇組安排切蛋糕，叫埋我慶祝啫！套劇係有感情戲，但冇（拍拖）呢回事。」