去年正式成為人妻的張美妮，經常主持旅遊節目四圍飛的她，婚後亦常跟老公到世界各地旅行，曾到日本瘋狂購物，飛到布吉歎陽光與海灘，不過美妮始終對歐洲情有獨鍾！

有老公做「龍友」配上歐洲風景，張美妮啲相靚到呢！

張美妮分享歐遊小貼士：食飯前影相是常識吧，每件食物都係藝術品嚟！

面對如畫般的景點，張美妮即時Chok甫扮公主。

喜歡歐洲的美妮去年專程去巴黎拍婚照，並到意大利度蜜月，除鍾愛當地建築、美食及時裝外，她更欣賞當地與別不同的浪漫情懷：「記得之前同老公去歐洲旅行，一次過去晒意大利、羅馬、佛羅倫斯、米蘭同法國巴黎，我覺得每一處景點都好似童話故事嘅場景咁靚！係女仔嚟到都會覺得自己就係童話故事入面嘅公主。」美妮做公主，老公則負責當攝影師：「我諗除咗瞓覺時冇影相，其他時候我對眼應該都冇離開過部相機！」去到巴黎鐵塔等景點影相是常識吧，但他倆卻幾乎每餐都「相機食先」：「喺意大利食海鮮，當地人追求嘅唔單止係味道，視覺享受都好重要，細至每一隻生蠔、每一隻蝦點樣擺都好似製作藝術品一樣，如果唔畀部相機『食』先就太可惜喇！」或許是歐洲人對美的執着，令美妮眼中的事物均別具詩意。