張兆輝、陳敏之、阮兆祥、許紹雄和陳嘉佳等本月底將拍無綫一部以性為題材的趣劇，大膽挑戰電檢尺度，劇中敏之飾演性治療師，老公張兆輝是一名性社工，二人經常「開房」，鬧出不少笑話。許紹雄則娶了來自內地的嫩妻陳嘉佳，被對方挑起性慾。

陳敏之與阮兆祥再次合作新劇，將於月底開拍。

張兆輝在劇中飾演性社工，坦言最怕親熱戲。

陳嘉佳飾演來自內地的嫩妻，大放笑彈。

與敏之有不少大膽親熱戲的張兆輝說：「唔怕拍武打，最怕拍親熱，電視尺度都唔擔心，最多咪蓋埋被用對白交代！」問到會否令子女尷尬，他說：「個女五年級，學緊性教育，佢都有問我同太太呢啲問題，係佢教番我哋轉頭，令我覺得呢樣嘢唔係咁難開口。」敏之則指要找一個專業的性治療師去揣摩角色：「我都想了解吓平時啲病人喺性方面究竟遇到乜嘢問題，有乜嘢性方面嘅疑難。（你有冇疑難？）冇！」