原定下月7日舉行的亞姐選舉有傳要於下月新老闆上場前完成,只好匆忙提前於本月22日在大埔舉行,早前因減省食宿費而被「遣返」原地的一班大中華佳麗,現又要滾水淥腳被催返港。

大中華總決賽冠軍唐淑薇,不知會否再下一城,登上亞姐冠軍寶座。

大中華總決賽亞軍陳洋鈴(左起)、冠軍唐淑薇及季軍韓非兒,又將有一番激鬥。

十位亞姐候選佳麗上月底出席萬聖節活動。

亞姐負責人趙汝強表示,一班佳麗返港後即要準備作賽。

亞視因一直傳資金不穩,除有拖糧情況外,年度盛事《ATV 2014亞洲小姐總決賽》亦因要周圍「撲水」而遲遲未能落實舉行日期。為解燃眉之急,亞視一直希望可成功斟洽三亞一間公司贊助數百萬元,條件是將亞姐移師當地進行,惟最後事與願違,亞視只好出動真血,「硬掘」100萬元製作費於本月22日假大埔總台匆匆舉行。如此趕急,有傳是因下月有新老闆上場,故要在本月底前完成早前定落的大騷,意味着新官上場將有一番新景象。

拖累出糧

為趕及本月22日開騷,亞視前晚開始陸續急召早前「遣返」原地的大中華佳麗回港Stand By,而其餘十位亞洲其他區包括日本、韓國等地佳麗,亦將於下星期抵港歸隊。

亞姐負責人趙汝強昨日受訪時承認此事,並說:「其實班大中華佳麗返咗屋企都有十日。(佳麗來去匆匆可有怨言?)冇,佢哋都探咗家人啦!免得佢哋留得太耐而養肥晒!其實班女仔一返到香港就要好趕準備,包括整頭、服裝等!(製作費冇贊助?)係呀!三亞嗰邊傾唔成,咪自己出,100萬左右啦!(擔唔擔心會拖累出糧?)都會o架!」