影后李心潔早前遭小三介入她與老公導演彭順的婚姻，心潔原諒老公又寬恕傷害自己的人，對感情拎得起放得低，她以戲喻人生：「做戲要識離開角色，人生都係一樣，要學識放下。我對感情唔係話執唔執着，係我唔想對愛嘅表達咁狹窄，我想用心去愛眾生、去包容。（被愛人傷害最傷？）覺得傷係因為有所求，但好愛一個人係應該無所求，心胸闊就唔會覺得係傷害。（彭順覺得你心胸闊？）哈哈，唔知呀，要問番佢！但我比較快搵到出口，會用智慧試圖明白件事，我覺得所有喺我身邊出現嘅人，都係我嘅菩薩，嚟幫我修行，令我變成好好嘅人，佢哋嚟考驗我，係畀我機會做功課，兩個人喺埋一齊總會經歷挫折，但喺得埋一齊，就要用愛去成長，互相扶持，同甘共苦！」

心潔對感情拿得起放得低，果然高境界！