富商鄭躬明太太陳君宜（Qinnie）宣布懷孕5個月，結婚四年、現年37歲的她自認年紀不輕，故選擇人工受孕，結果兩擊而中順利佗B！鄭躬明自太太懷孕後感受到男人的壓力：「依家除咗多抽時間陪太太外，仲做埋太太阿四，負責斟茶遞水跑腿，真係要請兩個陪月至得，一個畀太太，一個畀我。（點獎勵太太？）獎佢生多個，有仔有女更加好。」

訪問期間鄭躬明輕摸太太的肚，十分恩愛。

兩人前日到樓上舖揀BB用品，穿貼身連身短裙的Qinnie腹部明顯隆起，她透露重了廿磅，預產期在明年三月，夫婦倆十分恩愛，鄭躬明還不時摸摸太太肚皮。Qinnie說：「從冇諗過會生小朋友，今年初先有呢個計劃，做咗兩次人工受孕就中咗，好幸運，以前對BB冇乜感覺，但原來有咗係咁開心！」她又指家中原本有4隻貴婦狗，其中兩隻狗女相繼懷孕，並各自誕下3隻狗仔，一屋激增變成10隻狗，意頭甚好！