抗癌勇士司馬燕病情反覆，再度入院接受治療，前藝人好友吳麗珠昨午五時許抵達養和醫院探望以示支持：「佢依家主要食流質嘢。（佢係咪好瘦？）佢不嬲都係咁瘦。（佢囝囝有冇嚟陪媽咪？）有就番啲返學時間嚟陪佢，我尋晚嚟嗰陣都見細仔喺度。」她在醫院逗留約半小時離開，並透露司馬燕精神奕奕，沒有注射嗎啡止痛：「不過佢有小腹痛，尿比較多，依家都有插喉。（佢老公同囝囝心情點？）不嬲都冇咩特別，佢老公喺上面陪佢。（幾時出院？）未知，佢依家行得走得食得同落到床，仲識講笑！」

吳麗珠（圖）到醫院探司馬燕。