轉眼入行十年的官恩娜將代表香港出席《軒尼詩炫音之樂2014》，與其他三地歌手鬥唱功。在樂壇經歷過高高低低的她自言夠硬淨，否則早已轉行做女騎師！

官恩娜為《軒尼詩炫音之樂2014》綵排落力唱。

能與A-Lin同台，官恩娜揚言十分興奮！（資料圖片）

官恩娜的面癱情況，明顯好轉。

官恩娜（Ella）昨日為下月7日假亞洲國際博覽館舉行的《軒尼詩炫音之樂2014》綵排，屆時將與英國、韓國及台灣各地歌手同場較量，Ella點名最期待台灣歌手A-Lin的演出：「我好鍾意A-Lin，所以有機會同台都好興奮！」轉眼已入行十年的她感觸地說：「十年嚟都試過好多起跌，估唔到依家仲有機會企喺大台唱歌，慶幸我仲堅持到，冇畀自己打敗。」

諗過轉行做騎師

Ella笑言當初若放棄唱歌的話，或會當上騎師，並說：「我學咗騎馬兩、三年，前幾日試過跳欄，雖然睇落好易，但實際上要控制得好係好難，跳到嗰陣好興奮，喊咗好耐！」

另外，Ella早前為電台節目製作的主題曲，最近改由衞蘭（Janice）演唱，聽眾卻紛紛要求重用Ella的版本，她坦言毫不知情：「係咩？我之前聽仲係我嗰首呀！我覺得作到主題曲已經達到咗最高榮耀，當年肯用我個版本已經係我事業一個高峰點。」