鄭俊弘（Fred）處男騷舉行在即，前晚他綵排時獲唱片公司CEO何哲圖親自監場。Fred透露目前心情緊張：「希望有咩彈錯、唱錯喺綵排發生就好，正式表演唔好錯，最緊張係Solo結他嗰Part！」對於潘瑋柏為台北個唱綵排時受傷，Fred表示今次個唱沒安排高難度演出，只擔心臨場腳軟跌倒。提到他與前緋聞女友姜麗文感情不再？他否認其事：「仲好好，好Friend，希望佢可以嚟，唔知佢使唔使返內地做嘢，飛就預咗畀佢！」

為處男演唱會做足準備的鄭俊弘，擔心屆時腳軟跌倒出醜人前。