田蕊妮、鍾嘉欣和郭晉安日前遠赴馬來西亞，為11月23日舉行的《TVB馬來西亞星光薈萃頒獎典禮2014》拉票，當地粉絲逼爆商場支持偶像，而三人亦盡顯親民，邀粉絲上台互動。

郭晉安舉機與田蕊妮和鍾嘉欣興奮自拍。

郭晉安、田蕊妮和鍾嘉欣在台上與粉絲玩遊戲送禮物。

阿田見到粉絲們蜂擁而至後驚嘆：「佢哋將三層樓逼爆晒，令大會要發出呼籲叫佢哋唔好再迫，擔心佢哋逼爆玻璃！」阿田更指進場前已在車上遭粉絲包圍：「佢哋不斷嗌我哋個名，佢哋啲熱情好似當地天氣一樣『Hot』！見到佢哋咁熱情，畀到我好大能量，希望拍多啲劇集回報佢哋啦！」但提到當地美食時，她心有不甘地說：「想食嘅名菜芽菜雞、肉丸、河粉因為趕車而買外賣食，不過榴槤唔當造食唔到，希望下次食到啦！」