在杜琪峯新作《單身男女2》中飾演情侶的楊千嬅及古天樂，繼2002年《乾柴烈火》後再演對手戲。戲中古仔向千嬅剖白完不可告人的秘密後單膝跪地求婚，千嬅感動得含淚答應，修成正果的二人情深一吻！可惜這場咀戲最終被刪，千嬅表示毫不知情，更坦言從影以來甚少拍咀戲：「通常拍喜劇好少咀嘴，今次同古仔做對手戲，一、兩Take就收貨！（咁熟唔怕尷尬？）當時已經拍到尾聲，大家都已入戲，而且拍杜Sir嘅戲要打醒12分精神，要好熟戲中角色嘅情緒，節奏好快，唔得閒享受！」

相隔12年再演情侶的古仔與千嬅依然默契十足。

古仔向千嬅剖白內心世界後求婚，二人深情一吻。

已為人母的千嬅更笑言囝囝是最佳的接吻對手：「每次見到佢個嘴仔都忍唔住要咀兩啖！（最好咀嘅男星？）梗係我老公啦，哈哈哈！」