楊采妮（Charlie）及白冰昨晚盛裝出席英皇新片《一個人的武林》慈善首映會，兩人受訪時笑指角色兇狠，Charlie說：「今次做惡女警，從影以來最惡！喺套片不停追王寶強，見到佢就亮槍，見到子丹就鬧！我平時唔鬧人，覺得解決唔到件事，約咗老公喺新加坡睇，搞到佢依家唔敢睇！（期待老公有咩反應？）都要畀佢見到我犀利嘅一面！」

楊采妮（圖）與白冰同樣於拍畢此片後升呢人妻！

白冰

白冰則表示見王寶強就打，但笑言難得有機會與子丹談情，問到有不少動作戲的她有否受傷？她說：「腳踭骨裂咗，導演有幫我安排拍番文戲先。」問到老公可有心痛？她尷尬表示當時仍未婚，Charlie即搶答：「我哋嗰陣都未結婚，拍完大家都結咗婚，白冰仲生埋個女，證明套戲好旺！」