筱靖遭亞視雪藏後，事後因不忿而爆料指公司不滿她自爆人工只有7,000元，亞視執董葉家寶昨日指事件只屬「茶杯裏的風波」：「我明白每個藝人都有發言權，不過合約有保密協議，希望佢尊重合約精神，唔好喺公開場合提及個人薪金。我哋唔係要『雪』佢，而係一個勸導。（佢冇工開？）藝員冇工作係正常調動。」對於被指揞着良心，他認為亞視向來是良心電視，又強調從沒邀請筱靖出席亞姐活動：「佢只不過係一百個選民嘅其中之一。」他透露已通知筱靖出席今晚的總決賽，筱靖則就以上言論表示沒有回應。

筱靖禍從口出，被寸爆不請自來，頻頻亮相亞姐活動。

王家敏抽空行善，為長者示範健手操。

黃集鋒（左起）、楊正軍及徐丁擔任義工，向長者派發福袋。

另外，亞視藝人徐丁、黃集鋒、王家敏及楊正軍等昨日抽空出席慈善活動，以「ATV感動香港義工隊」身份向長者示範健手操及派發福袋，問到筱靖被「雪」一事，集鋒指對方情況尚可：「我都係睇報道先知。（打電話慰問佢？）有，我哋好Friend，情況OK，冇咩問題。」