靚佬湯與珊迪娜各有一匹布咁長的情史，珊迪娜向來鍾情靚仔靚佬，似乎撻着年過50仍然Fit爆的靚佬湯亦不無道理！不時譜出姊弟戀的她先後與馬修麥康納希（Matthew McConaughey）及比她年輕17年的「男神」賴恩高斯寧（Ryan Gosling）拍拖，後來又與Jesse James結婚6年多，於2010年離婚後鮮有傳緋聞，唯一爆出「美國隊長」基斯伊雲斯（Chris Evans）曾有意力追，但最後都沒有下文。

而舊女友「粒粒皆星」的靚佬湯經歷了兩次失敗婚姻後，就只與女星Laura Prepon傳過撻着，但拍拖一個月便火速分手。另一方面，靚佬湯與珊迪娜都各自領養子女，前者與妮歌領養一子一女，後者與Jesse離婚後則領養了兒子Louis，似乎可以齊齊傾湊仔經！