「中國小姐」趙哲妤（Uny）最近忙於拍攝飲食節目，盡情吃喝玩樂的她體重卻有減無增，原來「瘦」來自有方：「平時唔會偷懶，由識貪靚開始就每日都扭15分鐘呼拉圈，仲會約好朋友一齊拉筋、打網球、跑步同游水，咁先可以喺食嗰陣放肆啲！」她又分享運動瘦身秘訣：「要慢慢咁做先會有線條美，否則只會搞到一身肌肉，變咗大隻妹！」

拍攝飲食節目的Uny任食唔肥，令人羨慕！

Uny的S形線條得來不易，全賴每天勤做運動。

趙哲妤健身時不會操之過急，以免誤變大隻妹。

Uny對美容亦有獨特見解，並非只靠名貴護膚品：「食療係護膚好重要嘅一環，我每星期至少飲一碗杏汁豬肺湯，亦會食海燕窩、沙葛同赤小豆。（有咩益處？）呢隻燕窩係最好嘅排毒食材，赤小豆就好補血兼有強勁排水功能，係令皮膚白裏透紅同去水腫嘅重要元素！」