藝人陳綺雯（Aki）早前到日本沖繩旅遊，在當地的無敵靚景與地道日本菜間，為食的Aki挑選了後者，出發前已做好資料搜集，閱讀旅遊書計劃「覓食路線」，尋找最正的日本菜，她說：「當地沖繩料理比較多，我又好想食刺身，所以就搵咗間食壽司刺身嘅。日本刺身真係比香港嘅甜好多，其中一個仲係將海膽鋪上大蝦拎去焗，超好味！」

Aki到沖繩狂擦美食，日本刺身與海膽焗蝦都是其心頭好。

水族館應有盡有，令Aki猶如置身海底世界。

醫飽肚後，Aki從南面乘車到北面參觀水族館：「有啲遠，要開兩個鐘頭車，但都值得。第一次去咁大嘅水族館，連啲魚都大條啲，魔鬼魚比平時見嘅大十倍！」在當地文化中，Aki認為彈珠機最新奇：「第一次接觸咁大台彈珠機，覺得好得意！當地人鍾意彈珠機，會朝十晚十咁坐喺度玩！」她又笑言手氣不俗，玩彈珠機時賺回些少旅費。