陳山聰 郭政鴻獅兄弟的夕陽浪漫

不「舞」不相識的陳山聰及郭政鴻原來相當有「背景」，陳山聰5歲開始便跟爸爸加入醒獅團，少說也有32年舞獅經驗，郭政鴻則舞足40年。問到為何突然萌生成立醒獅會的念頭？郭政鴻指一向有此主意，在天時、地利、人和下決定付諸行動：「大家都好想做呢樣嘢，幾乎每次茶餘飯後都會講，所以做嗰刻好有激情、好熱血，完全唔理會旁人眼光！」

陳山聰、郭政鴻與師兄弟Friend過打Band，原來他們已相識多年，創立「國際獅兄弟同學會」後，便有更多機會聚首一堂，陳山聰笑說：「一班師兄弟唔止可以好開心咁去玩大家都鍾意嘅運動，玩完仲可以一齊食飯，好開心，係男人嘅浪漫！」

有錢出錢 有力出力

舞獅是興趣，陳山聰及郭政鴻都希望將這門傳統藝術發揚光大，陳山聰說：「呢個世界有足球隊、籃球隊，醒獅都應該有一隊！希望藉着藝人身份，令大家關注吓傳統嘢。」他又提到舞獅在港開始式微，希望可帶動更多人認識這項藝術，亦建議大家多以欣賞藝術品的眼光看待獅頭作品。

同學會現時已有半百名師兄弟，要順利營運並非易事，除了人力物力，資金亦是重要的一環，陳山聰感激師兄弟、哥哥及媽媽出錢出力：「兩隻獅頭係馬來西亞嘅師兄弟贊助，服裝係哥哥贊助，媽媽都有幫手剪線頭！」已為人父的郭政鴻亦笑稱囡囡對醒獅亦大感興奮：「畀相佢睇都幾有興趣，不過依家太細，大個啲都會帶佢返嚟玩吓！」

捍衛傳統藝術

醒獅這門中國傳統藝術逐漸式微，懂得製作獅頭的師傅愈來愈少，陳山聰指「國際獅兄弟同學會」擁有的兩個獅頭都由本港的老師傅一手一腳、一筆一畫製成：「老師傅得番兩個，新進師傅都得3、4個。」他與郭政鴻指很多年輕人已不認識這項中國藝術，山聰望着精心製作的獅頭感嘆：「我覺得啲醒獅同藝術品冇分別，同樣有鑑賞價值。」

星級效應 萬試萬靈

圈中不少明星都自組明星運動隊，最為人熟悉的是以譚詠麟（校長）、陳百祥與曾志偉等元老級為首的「明星足球隊」，陳山聰對創辦人校長大感佩服：「當年志偉同阿叻搞明星足球隊，因為一直熱愛呢樣嘢，所以校長都會踢前鋒，就算喺街場都欣賞到佢嘅球技！」郭政鴻則想暫時放下藝人身份玩運動，但同時希望藉着藝人的名氣令外界多關注這項傳統：「希望盡少少綿力同知名度，留意傳統醒獅同新派嘅分別。」