吳千語昨日出席活動，提到男友林峯指她很醒，經常玩踢爆，千語BB表示男友行事太明顯，沒甚麼瞞得過她，故不怕他有小三，還笑說若男友有小三，電話聯絡人應會Set做「BB2」。

千語幫男友林峯的「小三」改定名叫「BB2」，幽默感十足。

王敏奕近日忙於練跑操Fit。

林峯咁錫千語，又點會有「BB2」。

吳千語昨日出席活動時談到後日生日，未知會如何慶祝，到時等驚喜。提到男友林峯指她很醒，經常踢爆驚喜，她說：「佢太容易估，不過踢爆佢會好冇癮，所以都唔會去預計。佢太明顯喇，連Book餐廳食飯都將餐廳名Set落電話度，間餐廳一打嚟就知。（咁你咪唔驚佢有小三？）好多嘢佢都隱瞞唔到，佢個人唔會嘅。（佢可能Set埋小三電話。）Set做『BB2』！」

證冇慫恿簽公司

對於林峯以一億簽約英皇，她說：「唔知，人哋冇講，冇問價錢，最重要間公司幫到佢，佢哋之前合作過，相信會合作得好好。（你哋唔同公司有冇失望？）我終於清白，之前話我慫恿佢簽我公司，依家證明唔係。（佢簽新公司後可能忙咗？）忙啲好，做呢行唔忙先驚。（咁咪未有時間結婚？）暫時唔諗住，依家係搏殺期。（佢喺你生日求婚？）一定冇可能。」

同場的王敏奕則透露最近忙於練跑，但男友沒有陪她。