組合goldEN因隊名的關係而經常被人誤當成「金毛尋回犬」，可是他們拒絕改名，反而決定走師姐謝安琪的舊路，歌曲集中探討社會議題！

雖然goldEN入行將近三年，但仍在尋覓自己在樂壇的定位。

goldEN受訪時，大談音樂。

goldEN的歌有謝安琪歌路的影子。

組合goldEN由Cousin及Kenneth兩位大男孩組成，今次推出第二張唱片《Searching For goldEN》。入行快將三年，他們正在尋覓自己的樂壇定位，拒絕妥協：「好多人開始認識我哋，但話喺搜尋器上搵唔到我哋，有時一搜尋goldEN就會見到好多金毛尋回犬，但我哋唔想改名，因為當初隊名原意係喺黃金時間組成黃金組合，希望大家從音樂認識我哋！」

師姐兼老闆的謝安琪（Kay）歌路大膽，敢於借歌表達對社會的意見，goldEN的歌漸漸有Kay歌路的影子，《新世界》講述市區重建，令不少小店捲進時代巨輪，唏噓不已！

問你死未？

goldEN說：「我哋發覺依家好多商場都一式一樣，好多文具店、士多仔愈嚟愈少，波鞋街都變成波鞋樓，去到沙田、金鐘、銅鑼灣啲商場都好似同一個地方咁，冇晒香港特色。」

而另一首新歌《問你死未？》是諷刺香港跟隨韓國潮流，他們慨嘆香港音樂人才大有人在，但往往被K-Pop風頭蓋過：「突然大家都覺得韓國嘢好馨香，香港嘅劇、歌都冇咁好，其實對我哋好唔公平，首歌就係想叫人唔好咁崇拜人哋，香港其實有好多好嘢。」而為這首歌拍攝宣傳照時，Kenneth化身妖男一嘗「韓妝」畫眼線滋味：「真係幾難頂，畫內眼線好痕，我估今次應該最後一次。」至於Cousin的形象更360度大轉變，剪去招牌冬菇頭，十足韓國型男一樣。