創作新生代AGA近期發表的新作《一》獲得不少的讚賞，為了乘勝追擊，現再推出一個和另一位唱得之人Gin Lee的合唱版本《一加一》，今次《東網》的《娛樂onShow》請來這兩位可愛女生與主持俞詠文（Angela）暢談一番！

Gin（左）與AGA同樣出身音樂世家，故此甚為投契。

《娛樂onShow》主持俞詠文（右起）請來AGA及Gin暢談音樂及愛情觀！

俞詠文（左起）、AGA和Gin，三個少女一個墟。

環球唱片創作女歌手AGA早前推出的作品《一》大受歡迎，於是構思另一版本，希望延續《一》的故事。今期《東網》的《娛樂onShow》請來AGA和她的合作歌手Gin Lee大談趣事！當談到合唱版本《一加一》時，AGA大呼Amazing：「今次新Version我就想同《一》完全唔同，所以同監製舒文討論後就搵咗Gin同我合唱，另外仲搵埋Ted Lo重新編曲。不過因為大家嘅檔期問題，成首歌用咗3日去錄製，但結果出嚟係有驚喜!」

同出音樂世家

在全新的MV中，二人一邊喝下午茶、一邊談愛情觀：「今次MV概念係我哋兩個女仔一齊講自己嘅愛情觀，都覺得好難搵到自己嘅『唯一』。」至於現實中她們亦表示要找到生命中的「唯一」的確不易，Gin坦言渴求愛情，奈何還未遇上：「我都想有，但依家真係冇！所以我養咗兩隻貓陪我，我發現養咗寵物後好好多，因為我之前好自閉，依家有唔開心就會同佢哋講。」

一般女生的話題不外是男生或是非，但同樣來自音樂世家的AGA和Gin卻只談音樂。當遇上感情問題時，AGA覺得寫歌比向朋友傾訴更有效：「我哋都係好少向其他人講感情事，如果遇上感情問題，我會選擇寫歌。」如果想知道兩位單身美女的擇偶條件是甚麼？為何AGA情迷「長毛」？Gin只愛俊男？就要收看《娛樂onShow》！