陳靜師妹鍾采羲（Iris）及羅子喬（Bella）在新片中齊齊大放笑彈，Iris更大犧牲到將螢幕初吻獻給肥仔聰，但她竟然說有得揀會將螢幕初吻給栢芝！

擁有豐滿身材的鍾采羲（左）及羅子喬，在新戲中「封」胸。

羅子喬希望遇到有才華的男人。

鍾采羲話自己大把人追，但想睇定啲先拍拖。

陳靜師妹鍾采羲（Iris）及羅子喬（Bella）一向老友鬼鬼，兩人在電影《唐伯虎衝上雲霄》中齊齊扮丫環，Iris更將螢幕初吻奉獻給肥仔聰，拍攝期間還NG了30次，認真大犧牲。問到想將螢幕初吻獻給誰，Iris竟然大呼張栢芝，她說：「栢芝是一個可以在螢幕前放得好開的演員，點解要規限初吻一定要畀男仔而唔可以係女仔呢？」形象性感的兩人在新戲中一反常態「封」胸行保守路線，Bella說：「今次嘅性感戲留咗畀其他演員，我哋嘅造型係包到上頸架！」

唔介意性感

兩人希望在電影上嘗試不同路線，但不介意繼續行性感，不過就有底線，Bella說：「10月會有另一套戲上映，造型比起《唐》片入面嘅角色較性感，如果劇本好的話唔會介意，藝術性感係OK嘅，但露點就唔得喇！」談到感情狀況，Iris揚言大把人追，但目前以工作為先，她說：「入咗娛樂圈之後人變得成熟，想睇定啲先拍拖，唔想影響工作。」Bella就坦言感情狀況空白，希望找到易相處和有才華的男人。