李蕙敏婚後生活變化不大，卻萌生「搞出人命」的念頭！生活美滿的她近期一改曲風唱出人生經歷，並寄語希望活得真實！

認清目標的李蕙敏，已經準備好邁向蛻變之路！

李蕙敏直認與老公Serge有造人計劃。

李蕙敏坦言希望將眼前的所有目標一一擊中！

李蕙敏

歌手李蕙敏（Amanda）除積極發展演藝事業外，近年亦涉足玉石生意，去年下嫁英籍丈夫Serge Micallef的她正式成為人妻！身份多多的Amanda表示平日生活與打保齡球無異，希望將眼前的所有目標擊中！對於音樂之路，她說：「一路歌迷會對我有既定印象，大家成日話想唱《你沒有好結果》嗰類歌，其實我一路都想帶住佢哋一齊轉變，新歌比較Dramatic（戲劇化），加入咗拉小提琴，我覺得用真人拉係人性啲！」

夫妻建立互信

Amanda又指新歌會分享人生經歷：「新歌係講希望將舊嘅嘢埋咗，當然同我自己經歷有關啦！始終身邊嘅人有時會嚟、有時會走。」多年來見盡娛樂圈百態的她感觸地說：「最簡單嘅自己係要珍惜嘅，我好怕講大話，希望生活得真實啲！」

新婚甜到漏的Amanda大談初為人妻的心情：「我初頭都驚會好唔同！但係又冇喎！可能呢個人係大家啱相處啦！生活嘅時候就放開心情，兩個人要從年月裏面建立信任，畢竟大家來自唔同嘅背景，要互相尊重！」至於造人大計，她說：「有咁嘅諗法，睇機會啦！」在家有老公愛錫，而在玉石生意方面，Amanda則慶幸有熟悉行情的拍檔，難怪現時她已鎖定目標，將拋出保齡球全速向前推進！