魔術師甄澤權（Louis）正為其「世界魔術巡迴之旅-香港站」籌備，還請來莊思敏請教化妝技巧和台上儀態，Louis說：「因為化妝同衣着對魔術師在台上表演好重要，加上表演時肢體動作和Pose好多，所以要向莊思敏請教吓。」莊思敏建議他可嘗試鮮色上衣，更加吸引現場的注意力，她說：「Louis出咗名係後生又靚仔嘅魔術師，所以淡妝都好適合，唔適宜太花巧。」莊思敏表示有意擔當表演嘉賓，希望可以做「刀鋸美人」。Louis得知後說：「好提議喎，你想被打直鋸定打橫鋸？因為你身形夠高，對腳又長，鋸出嚟應該視覺效果幾好。」Louis又表示今次會表演很多大家未見過的魔術，務求給觀眾新鮮感，他說：「今次會有新嘗試，會即場邀請觀眾上台，帶佢哋穿梭時空去到另一個地方，仲會喺當地拎一個物件返回演出場地，係好新、好大嘅挑戰。」

莊思敏親自為甄澤權化妝，示範台上妝容。