性感女星「寸嘴Barbie」夏尉喻、文凱玲（Connie）、石天欣及郭思琳日前勇闖萬聖節鬼屋，最細膽的Barbie率先投降，Connie則被真蟲及屍體模型嚇得驚惶失措，要由大膽的天欣及思琳開路完成任務。

自認細膽的Barbie只敢行驚嚇度一般的東瀛鬼屋，並與日本美人魚興奮合照。

Connie（左起）、Barbie、思琳及天欣喜遇各式日本鬼怪。

思琳、天欣及Connie被突然出現的喪屍嚇了一跳！

Connie（左起）、思琳及天欣勇闖H14鬼屋，期間要在濕臭馬桶中摷鎖匙。

萬聖節將至，「寸嘴Barbie」夏尉喻、文凱玲、石天欣及郭思琳四位星秀堂藝人約埋到海洋公園玩哈囉喂鬼屋，近期獲導演王晶力捧的Connie自認細膽，但原來「一山還有一山低」，平日搞笑的Barbie臨陣投降，不敢試玩最驚嚇的「H14」鬼屋。

Connie、天欣及思琳換上消毒衣走入「H14」鬼屋，要過關需在蟲堆、頭髮堆、濕臭廁格及血腥屍體中找出鎖匙完成任務，嬌滴滴的天欣表現最勇，反嚇跑出來的喪屍，思琳亦無懼沙蟲伸手搵鎖匙，Connie則經常墮後兼嚇得面青青！其後四女轉場到訪輕鬆得多的「東瀛魔界遊」，她們開心地與各類日式神魔鬼怪合照，將拍攝電影《美人魚》的Barbie更巧遇日本美人魚。

唔約男仔驚失禮

事後Connie表示闖「H14」時嚇到腳軟，問到會否相約男仔壯膽？她笑說：「唔好！我會驚到係咁捉住佢，冇晒儀態！」較大膽的思琳死穴是怕黑，怕蟲的天欣大讚今年鬼屋設計豐富，驚嚇度夠高！甚少玩鬼屋的Barbie則笑言怕玩後會發噩夢：「好怕突然有嘢飛出來！所以從來唔玩萬聖節活動。（搵男仔陪？）搵天欣啦！佢咁大膽，外號『石破天欣』，鬼都驚咗佢！」