阿佘攬家燕姐 「母女」敍舊

薛家燕早前與佘詩曼在新加坡的《星和無綫電視大獎2014》中獲獎，家燕姐表示這是好兆頭：「好耐冇見個『女』啦！好開心見番面就大家都有獎攞。阿佘攞咗『我最愛TVB女主角』，我就同王祖藍攞咗『我最愛TVB綜藝節目主持人』，真係好兆頭！」並透露即將拍攝電影版《十月初五的月光》：「我哋遲吓會開工拍電影版《十》！我又可以見番祝君好呢個『女』！我哋自從2000年電視版《十》後就各有各忙，今次喺新加坡見番面，我哋喺後台影咗好多相，傾咗好多偈！」家燕姐希望今次電影版《十》能延續當年的口碑。