英皇藝人張致恒（Steven）過去有不少負面報道，近年信主的他徹底改過，單身多時終於被爆有新戀情！昨日他在觀塘海旁跑步，身邊有模特兒莊端兒相伴，被本報撞破的他尷尬得不斷頭，終承認「姊弟戀」。

Steven被撞破好事後兩頭望，Xenia則低頭尷尬笑。

女友企高玩，Steven扶到實。

Steven講拜拜後即會合匿在遠處的女友（箭嘴示）。

Steven輕搭香肩，好浪漫呀！

現年29歲的Steven昨午4時在觀塘海旁長廊跑步，身邊有索女相伴，原來是31歲、曾獲香港珠寶小姐季軍及最親善小姐的莊端兒（Xenia），兩人在海邊吹風談情，Steven更搭女友膊頭及輕撫其髮，而他跑步時女友則坐在搖搖板等候。

啱啱開始

記者影相時Xenia嚇到竄走，Steven則尷尬頭，問到女友是否圈中人？他口窒窒說：「一半半。（公司知拍拖？）知，身邊好多人都知。」勁不自然的他又摸心口，問到是否結婚對象？他說：「啱啱開始冇幾耐。（女友被嚇走？）唔係成日對鏡頭係尷尬啲。」繼而頭岳岳搵女友，問到可否合照，他說：「下次！佢唔慣，Sorry。」隨即講拜拜走人。

見晒家長

事後Steven坦承戀情剛萌芽，兩人由朋友介紹認識，更見過家長：「全家見過，佢哋覺得OK。（佢怕醜？）經驗少！（純情拖手？）我哋好規矩。」又稱已錫錫但冇同居：「感情事低調，只係以前身邊人高調。（結婚對象？）相處吓先，不過都想係，入行咁耐想過正常人生活。（女友身材好？）有冇身材都鍾意！」從事珠寶工作的Xenia則大讚Steven體貼：「佢親自下廚煮，識煮嘢嘅男人加分。（Steven被指花心？）都過咗去，大家相處一段時間，感覺同報道唔同，好有責任感，感覺佢對我好認真。（結婚？）吓？了解多啲先。（壓力？）今日都好驚。」

Profile

姓名：莊端兒（Xenia）

出生日期：10月23日（31歲）

身高：1米70

三圍：32D、24、35

入行經過：入行前為珠寶公司市場推廣人員，2013年參加珠寶小姐比賽奪得季軍，得到比賽導師兼模特兒何紫綸推薦，獲莊思敏羅致旗下，備受力捧。