無綫行政主席梁乃鵬對於港視選定下月19日無綫台慶當日開台，他說：「咁唔係打對台，佢哋都唔係經營電視業務，只係購物平台加製作電視劇，佢哋有權嘅，唔批評啦！（唔放佢哋在眼內？）唔好用呢個字眼，唔好咁講！（驚搶走觀眾？）佢哋點都要搵出處、平台發行，我哋唔同，做咗四十幾年喇！（大哥地位？）喺香港係，我哋喺海外都好受歡迎！」另無綫今年47周年台慶，但有感「4」及「7」不吉利，故今年採用「邁向48年」，是繼44周年台慶以「邁向45年」後再因避開不吉利數字作特別安排！

港姐邵珮詩（左）及王卓淇伴住梁乃鵬亮燈。