陳豪昨日出席電影宣傳活動，提到懷孕三個月的太太陳茵媺時，他一味甜笑！雖然生仔生女都冇所謂，但他也笑說：「有咗囝囝，當然希望生個女！」

陳豪有少少發福，他笑說：「茵媺食啲嘢去晒我度！」

陳豪一講到大肚的陳茵媺，梗係冧笑！

陳茵媺

張紋嘉短裙騷長腿，十分養眼！

陳豪昨日偕張紋嘉、邵音音及張雪芹等出席電影《點對點》的宣傳活動，席間一眾藝人與現場觀眾玩遊戲打成一片。久別重返影壇的陳豪接受訪問時表示，希望下次會偕太太陳茵媺（Aimee）出席電影宣傳活動捧自己場，不過就要撇低囝囝：「我都想（帶囝囝出席），不過佢對耳仔唔得，會太嘈。」提起Aimee時，陳豪不禁露出甜蜜笑容，事關Aimee懷孕三個月，問到想生仔或女？他笑說：「有咗囝囝，當然希望生個女，不過其實仔女都冇所謂！（繼續追？）咁就要睇吓上天賜幾多個畀我！」

張紋嘉愛「筍盤」

另外，張紋嘉透露今次在戲中會客串聾啞人士，更因角色關係特意學習三星期手語「做對白」，她又大讚對手陳豪風趣，是她喜歡的類型，可惜曾是「筍盤」的陳豪已名草有主。問到可有遇到另一個？她打趣說：「冇喎！不過好似佢啲咁好嘅男人都畀人Mark晒啦！」