為環保不遺餘力的名模Jocelyn與丈夫Anthony昨日參與沙灘清潔日，夫婦兩人是該活動常客，Jocelyn笑言之前連生日也在清潔沙灘中度過，希望為地球盡一分力。

Jocelyn希望為改善地球環境出一分力！

大批義工出席活動，夾手夾腳令沙灘更乾淨。

三位港姐做義工之餘亦不忘享受陽光與海灘。

熱愛運動的Angela落力清理沙灘上的垃圾，展現歌手以外的一面。

Angela

作為環保活動常客的Jocelyn與老公Anthony經驗老到，非常有默契。

混血名模Jocelyn與丈夫Anthony、歌手許靖韻（Angela）及應屆港姐冠軍邵珮詩、亞軍王卓淇及季軍何艷娟昨日齊齊出席《Ecovision海灘清潔比賽》，Jocelyn與Anthony已經連續多年參加該活動，Jocelyn說：「我好享受清潔沙灘嘅過程，因為執完之後其他人就可以好安全咁享用呢個地方，我上年嚟執發現有好多玻璃碎片，所以真係要清潔好先唔會令行嘅人咁易受傷。」Jocelyn透露連生日亦在大浪灣執垃圾中度過：「每人執一件垃圾，已經可以令地球環境更美好。（覺得垃圾污染日趨嚴重？）係呀，覺得恐怖添，希望可以有好嘅轉變，所以好想激發其他人對環保活動嘅關注同意識。」Anthony則希望透過自身的力量為社會出一分力，他認為只有自發行為才可以真正改善及解決垃圾過多的問題。

港姐無懼曬黑

另外，Angela透露今次是首度在戶外做義工，過程比想像中舒服及涼快，非常熱衷戶外活動的她說：「我好鍾意踩單車同游水，仲有去郊外行吓。」她說入行後工作量多，少了機會陪家人出外。至於三位港姐則對清潔沙灘大感興奮，「收穫」亦甚豐，邵珮詩說：「好開心今日好好天，有風唔太熱。」王卓淇揚言不怕烈日當空下曬黑：「夏天曬黑啲都好健康，Enjoy！」何艷娟自言無懼曬黑，只怕蚊叮。