對於主演的《飛虎II》在這個不穩時勢下播映，馬德鐘坦言擔心觀眾不睇電視而影響收視，故呼籲大家支持：「對套劇我好有信心，不過喺呢段時間就有啲擔心！（怕警隊近日新聞影響劇集？）唔係！其實飛虎隊通常唔會接觸到普通巿民，飛虎隊出動都係對付重犯，真係非死則傷！隊員嘅專業形象，反而為觀眾帶嚟安全感。」

但監製林志華強調劇集只提供娛樂予大眾，並無立場：「一早就定咗係台慶劇，我從未收到公司通知要就敏感時期而改期播出。劇中更有隊員對付匪徒時都有矛盾位而受處罰，呢啲劇情都會照播。（擔心收視？）唔敢話冇，但首映上亦冇覺得觀眾有負面情緒，反而有好反應。」