無綫藝人楊怡、元秋、蔚雨芯及張惠雅（Regen）等昨日為新劇《潮拜武當》出發往武當拍攝外景，雖然晨早起身，但一樣精神奕奕，於機場集合後更用「自拍神棍」影大合照，期間錢小豪更興奮得從後熊抱秋姐。

前往武當拍劇的楊怡表示，已帶定一箱即食麵以備不時之需。

錢小豪興奮地從後熊抱秋姐。

首次到武當的楊怡透露此行會逗留三星期，笑言會趁機於武當山吸靈氣，受腰患困擾的她亦希望學太極強身健體。談到當地溫差大，她表示已帶定四季衣物：「嗰邊朝早夜晚低過10度，晏晝有成20幾度，驚熱親又驚凍親！仲有帶咗成箱即食麵同零食，咁會令自己有安全感。（有冇聽過佘詩曼同鄭嘉穎翻撻？）我唔八卦，如果係都係好事，我覺得佢哋好登對，最緊要佢哋開心，祝福佢哋啦！」

而錢小豪對於有指阿怡耍大牌，結果遭他鬧爆，小豪對此笑說：「佢耍大牌都唔緊要，連喺現場我都畀佢打，其實最耍大牌嘅係我，出親外景都有張櫈畀我坐，所以好多謝阿怡送張櫈畀我。」