林子祥（阿Lam）昨日為短片創作比賽發布會擔任嘉賓，問到剛過生日的他有甚麼慶祝活動？他說：「嗰晚開演唱會，喺工作中度過，今晚會同家人、外孫女慶祝。」他又大讚外孫女可愛及具音樂感，至於將來會否培訓她？他說：「遲啲先決定，好似我以前都唔知個仔鍾意音樂，係到佢大個話想做歌手先知。」

阿Lam狂呻太太Sally是購物狂。

葉蒨文（Sally）

另外，他笑言隨着年紀增長，希望家中的東西愈少愈好，所以不想收到禮物，但太太葉蒨文（Sally）卻不斷為家裏增添東西：「佢一睇中鍾意嘅嘢會係咁買，連草紙都買幾百箱，搽身油多到放咗廿幾年都未用晒。（壞咗喇喎！）佢話仲用得，依家都有用。」