藝人黃芷晴昨日出席《軒尼詩炫音之樂2014》記者會時，透露有意創立自家品牌，並希望能有自己的店舖，她又興奮地表示，期待兩年終有機會在電視上看到自己與爸爸黃日華的演出。

未知Adrian會否親自做生招牌，穿上自己設計的靚衫做Model？

有美女Adrian親手倒酒，難怪林奕匡喜上眉梢。

不再受面癱困擾的Ella笑足全程，心情勁靚！

黃芷晴（Adrian）昨日聯同官恩娜（Ella）、林奕匡、倪晨曦和黃柏高力捧新人Fiona出席將於11月7日假亞博舉行的《軒尼詩炫音之樂2014》記者會，Adrian透露獲邀擔任音樂會的形象大使：「負責畀啲襯衫嘅貼士。」喜愛時裝設計的她，現正計劃開設自家時裝品牌，更以開實體店為目標：「以前有自製飾物，所以都想試吓，做首飾時識落嘅客同朋友都好支持我，依家希望11月喺網上推出先。」

對於她有份演出的劇集即將推出，她大感興奮：「以前細個都係喺屋企同媽咪睇阿爸（黃日華）嘅電視劇，依家終於可以喺電視見到我哋兩父女。」她指等了兩年才有機會將作品公開，並表示之前拍畢的電影及三套電視劇，將分別在本月底及下月推出。

感激市民關心

而同場的Ella表示，面癱的情況已改善了很多：「接近九成好番，同埋冇影響唱歌。」她更指市民對其病情十分關心，令她大為感動：「由發病到依家出街都有好多人問我點，仲話介紹醫生畀我。」

談及早前她上載搭港鐵的照片，大呻受塞車困擾而遭網民炮轟一事，她說：「大家知道係誤會，都話理解。」