女星Janice Man（JM）昨日以代言人身份出席「IPSA SKIN CHARGE細胞充電活肌系列」新品發布會，獲安排乘坐直升機空降會場，甚具氣派，但因Tube Dress太鬆，搞到不慎露出Nude Bra，有點殺風景。她透露剛從米蘭及巴黎工作返港，雖然在歐洲逗留近一個月，但只有兩日空檔購物：「最後三個篋去，五個篋返！（咁少時間都買兩篋嘢，好快手喎！）係女人嘅本性。（價錢都唔使睇？）總之見到就買。」她又表示下星期赴上海拍攝首部內地劇，現正跟老師練普通話，問到是否開拓內地巿場？JM說：「我希望乜都嘗試。（換咗公司後多咗嘢做？）勤力啲啫！（吸金多咗？）唔知呢！賺錢係緊要，但乜都想試吓，好多嘢未試過。」

性感上陣的Janice Man坐直升機空降發布會，認真巴閉！