無綫小生陳智燊公開投懷「宋」抱後，兩人愛得大方！他日前化身癡情男友，於商場閒逛等女友。宋熙年一見面即拖到實，並發嬌嗔呵番男友！

陳智燊為宋熙年開車門，盡顯男士風度。

陳智燊做阿四不忘拖實宋熙年，Man爆！

陳智燊先與女友人往買酒，掃下幾支心頭好！

無綫「新一代筍盤」之一的陳智燊，早前趁女友宋熙年29歲生日時公開戀情，自願性封盤，令城中不少盛女大感失望。其實兩人拍拖多時，感情相當穩定，陳智燊人前人後對女友十分體貼，日前為等女友收工撐枱腳，不惜買定靚酒，然後在商場無聊呆等，夠晒浪漫！

攞袋做阿四

當日下午五時許，陳智燊在一名女長輩相伴下現身商場，先往專門店購買咖啡粉囊，再去超市揀酒。期間，他向店員查詢一輪，未幾便決定買下數支靚酒，隨即到停車場將戰利品放於車內，然後再送長輩搭的士。

其後，陳智燊開始在商場無聊遊蕩，頻頻傾電話解悶，並一度遇上男友人，閒聊一會及交換電話後，他又再四處踱步。未幾，女友宋熙年匆匆趕至，悉心打扮的她甫見男友即嬌嗲地說：「我已經跑過嚟喇！」冧笑的陳智燊二話不說，幫女友拿手上物件，並十指緊扣往取車，更體貼地幫女友開車門！當發現記者時，他倆露出一致甜笑，問到買酒是否用來慶祝，他說：「依家去食飯，唔係慶祝乜嘢，啲酒唔關事。」根據登記資料，該輛價值40多萬的寶馬座駕屬宋熙年名下，落地僅數月。