《勁歌》飯局送10萬 克勤安仔吹雞即到

李克勤、許志安及汪明荃等前晚雲集九龍塘，與台前幕後慶祝《勁歌金曲》踏入30周年，因事未能親臨支持的歌星如鄺美雲、許冠傑及譚詠麟等均出錢資助抽獎環節，令抽獎現金總值達10萬！發起今次飯局的鄭丹瑞說：「之前我約咗小美同林珊珊等飯局，之後喺報紙專欄寫咗出嚟，即刻有好多舊同事問點解冇佢哋份，我咪開WhatsApp群組傾囉！結果一呼百應。」安仔接受訪問時指《勁歌》帶給他不少難忘回憶：「以前我哋（歌手）如果冇乜做，都鍾意上去《勁歌》嗰組人度傾偈，又會喺MV剪片方面畀吓意見。」同場的黃柏高則透露會為旗下藝人鄧麗欣接拍電影。