成立自家唱片公司的謝安琪（Kay）與師弟goldEN同期推出新碟，前晚他們突擊到尖沙咀唱片舖踩場，吸引半百粉絲圍觀拍照，身為老闆兼大師姐的Kay更連掃12張goldEN的唱片，以示支持。

老公張繼聰晨咁早就買碟支持，Kay當然冧爆。

Kay狂掃12張goldEN的唱片，以示支持。

對於新碟《KONTINUE》長期佔據銷量榜第一位，Kay大爆老公張繼聰一早已買碟支持：「真係好多謝張繼聰，我出碟嗰朝，佢一個人自己揸車去買咗一隻返嚟，估唔到咁有心。點解係買得一隻呢？因為就好似送玫瑰花咁，送一支先代表對方將自己嘅全部送晒畀我！」